Ես պահանջում եմ գթասրտություն:
Պարտավորվում եմ ներել բոլորին,
Բայց պահանջում եմ խղճահարություն,
Որպեսզի առանց իմ հուշումների
Դուք զգաք ու տեսնեք ցավը իմ սրտի:
Ինչո՞ւ ես ցավում, այ անառակ սիրտ,
Ի՞նչդ է պակաս այս լի աշխարհում,
Սե՞րն է, հարգա՞նքը, թե՞ ընկերություն...
- Ես պահանջում եմ գթասրտություն,
Որպեսզի ուժեղը օգնի թույլերին,
Բայց թույլն, իր հերթին, խղճա ուժեղին:
Թե չէ այս դժբախտ ու դառն աշխարհում
Թույլը ուժեղին է իր հոգսը թողնում:
Պայքա~ր ու պայքա~ր, հրե~ր ու սրե~ր,
Էլ կա՞ ժամանակ երջանիկ լինել:
Թե՞ այս աշխարհում խղճահարության
Ես կարժանանամ թուլության համար:
Ես պահանջում եմ գթասրտություն:
Պարտավորվում եմ ներել բոլորին,
Բայց փոխարենը ՄԻ բան եմ խնդրում.
Խնդրում եմ խղճալ և ուժեղներին....
ամսագրի Ձեր ցանկացած համարն ընթերցելու համար սեղմեք համապատասխան համարի շապիկին
