Եթե դեռ չեք հոգնել թեստեր լրացնելուց, տոմսեր քաշելուց, հարցերին պատասխանելուց, մտածելուց և նեռվայանանլուց, ուրեմն ճիշտ հասցեով եք եկել: Սա օնլայն խաղ է բոլոր նրանց համար, ովքեր դեմ չեն մի փոքր <<յուղել>> իրենց ժանգոտած (կամ ոչ այնքան) ուղեղները: Խաղի կանոնները շատ պարզ են: Քաշում եք տոմսը, այսինքն՝ սեղմում եք կոճակը, կարդում հարցը և գրում պատասխանը քոմենթներում՝ նշելով հարցի համարը և ձեր անուն-ազգանունը: Ասեմ, որ մեզ մոտ չեն գործում <<դահլիճի օգնություն>> կամ <<զանգ ընկերոջը>> տարբերակները: Խնդրում եմ նաև չօգտվել համացանցից, թե չէ հետաքրքիր չի լինի: Պատրա՞ստ եք:
Միջնադարյան եկեղեցին հսկայական գումարներ էր աշխատում՝ մարդկանց Դրախտում տարածքներ վաճառելով: Իսկ Մարտին Լյուտերը, ծախսելով ընդամենը մի քանի գրոշ, վերջ դրեց այդ առուծախին: Ի՞նչ արեց նա:
Պատմության մեջ ամենափառավոր պատերազմներից մեկն էր Տրոյայի պատերազմը, որը գովերգել են հանճարեղ Հոմերոսը և հույն այլ բանաստեղծներ: Պատմիչները վկայում են նաև, որ Տրոյայի պատերի տակ մարտնչում էր մի հայ իշխան: Գիտեք, ո՞վ էր նա:
Հոնկոնգում անգլերեն խոսող չինացիներին անվանում են <<Բանան>>: Իհարկե դա վիրավորական չէ, բայց այնուամենայնիվ, տարօրինակ է: Կարո՞ղ եք ասել, ինչո՞ւ են այդպես անվանում անգլերեն խոսացող չինացիներին:
Պատմաբանները հաճախ ասում են. <<Այս քաղաքը մյուսից այսքան տարով մեծ է>>: Ինքներդ էլ հասկացաք, որ խոսքը քաղաքի տարիքի մասին է: Իսկ կարո՞ղ եք ասել, ո՞ր քաղաքն է մոտ 30 տարով մեծ հնամենի Հռոմից:
Հայ կոմպոզիտոր Առնո Բաբաջանյանի երգերը սիրված էին ոչ միայն Հայաստանում, այլև ամբողջ ԽՍՀՄ-ում: Մի անգամ Լեհաստանում կոմպոզիտորի կինը երեկոյան ուշ վերադառնում էր տուն: (Իսկ Լեհաստանում հայերին այնքան էլ չէին սիրում:) Նրան մոտեցան մի քանի լեհ տղաներ, ովքեր ուզում էին կնոջը կամրջից ցած նետել: Վախեցած կինն անվանեց իր ամուսնու առացել սիրված երգերից մեկը: Տղաները հասկացան, որ հանդիպել են Բաբաջանյանի կնոջը, և հեռացան: Այդպես կոմպոզիտորի երգը փրկեց նրա կնոջ կյանքը: Իսկ գիտե՞ք, ո՞ր երգի մասին է խոսքը:
Ասում են, որ եթե ամսի 13-ը ուրբաթ է, այդ օրն արթնանում են չար ուժերը: Դա կարծես մի անեծք լինի ամբողջ մարդկության համար: Իսկ ինչո՞ւ հենց ուրբաթ 13:
Մի անգամ Բեռնարդ Շոուին մոտեցավ մի գեր մարդ և ասաց. <<Կարդալով ձեր գրքերը՝ մարդիկ կարծում են, որ ամբողջ աշխարհում սով է>>: Ի՞նչ պատասխանեց հնարամիտ Բեռնարդ Շոուն:
Մի անգամ Թբիլիսիի Դինամոն խաղում էր անգլիական «Քարդիֆֆ» ակումբի հետ: Խաղում հաղթեցին թբիլիսցիները: Խաղից հետո, պաշտոնական ընդունելության ժամանակ, «Քարդիֆֆ» ակումբի տերերից մեկը, թբիլիսցիներին ստորացնելու նպատակով դրամապանակից հանեց հինգֆունտանոց թղթադրամ և պարզեց Դինամոյի առաջատարներից մեկին` Դավիդ Կապիանիին: Ինչպե՞ս պատասխանեց թբիլիսցին անգլիացու այս քայլին:
Հայտնի է, որ Արշակունյաց դինաստիայի հիմնադիր Տրդատ Ա-ին թագադրել է հռոմեկան գոռոզ կայսր Ներոնը: Պարտություն կրելով հայ-պարսկական զորքից՝ Ներոնը հրավիրեց Տրդատին Հռոմ, որպեսզի անձամբ թագադրի նրան: Ասեմ նաև, որ հայոց արքայի բոլոր ծախսերը հոգում էր հռոմեկան գանձարանը: Այդ իսկ պատճառով Տրդատը հրաժարվեց ճանապարհորդել ծովով և ճամփա ընկավ ցամաքով՝ կտրելով գրեթե ամբողջ Ապպինինյան թերակղզին և մոտ երեք անգամ երկարացնելով ճանապարհորդությունը: Ինչպե՞ս պատճառաբանեց հնարամիտ հայոց արքան իր այդ քայլը:
Մի անգամ Կոմիտասն այցելեց մեկ այլ հայ ահնճարեղ կոմպոզիտորի: Տեսնելով վարդապետին՝ կոմպոզիտորն ասաց. <<Լսել եմ՝ պատարագ ես գրում, գրում ես քոնը: Երբ ես իմնա ավարտեցի, սպիտակ ձիավորը եկավ: Հիմա նորից սպասում եմ: Սարսափելի հոգնել եմ: Դու դեռ երկար կթափառես այս աշխարհում, քեզ կխաչեն, հետո կիջեցնեն խաչից ու նորից կխաչեն: Երբ գրես, ավարտես, երբ ինձ նման հոգնես, կգա: Նրա ձին ճերմակ չի լինի, ինքը՝ նույնպես: Եվ ձին, և հեծյալը սև կլինեն: Լսիր, վարդապետ, երբ գաս ինձ մոտ, ես և դու, ճերմակ ու սև ձիեր հեծած, այցի կգանք այս աշխարհին, կլսենք իմ ու քո պատարագը: Համաձա՞յն ես: Դե որ համաձայն ես, հիմա գնա: Դրսում ծառերը, հողը, երկինքը պատարագում են: Գնա, մարդ աստծո, պատարագիչ է պետք, գնա: Խաչելության փայտը կանգնեցրած է, բայց խաչվող չկա: Գնա:>> Ո՞վ էր այդ կոմպոզիտորը:
ամսագրի Ձեր ցանկացած համարն ընթերցելու համար սեղմեք համապատասխան համարի շապիկին
