Սա սովորական ընդունելություն չէ, այլ մի յուրահատուկ կոչ՝ ուղղված բոլոր ընթերցասեր պատանիներին:
Դուք սիրում եք կարդալ, պաշտում եք մաշտոցյան գրերը, գուցե ուսումնասիրում
եք օտար լեզուներ և արտասահամանյան գրականություն: Դա պարզապես հրաշալի է :
Բայց գիտե՞ք, սերը գրքի հանդեպ պետք է տարածել հասակակիցների շրջանում և
սերմանել յուրաքանչյուր հայ պատանու հոգում: Համամի՞տ եք մեզ հետ: Ուրեմն
կարող եք միանալ մեզ:
Սակայն նախ և առաջ եկեք ծանոթանանք: Որպեսզի կարողանանք ճանաչել ձեզ,
խնդրում ենք ուղարկել ձեր ինքնակենսագրականները հետևյալ էլ.հասցեով՝ hpym@mail.ru
Ինքնակենսագրականում պետք է նշել՝
• Կրթությունը
• Մասնակցությունը այլ դասընթացների և խմբակների
• Օտար լեզուների իմացությունը
• ՏՀՏ հմտությունների իմացությունը
• Մասնակցությունը մրցույթների և այլ միջոցառումների
• Հասարակական աշխատանքը
• Նախասիրությունները
• Կոնտակտային տվյալներ
Հայաստանի Պատանի Ընթերցասերների Միավորումը երիտասարդ կազմակերպություն է:
Նախ և առաջ միավորման շարքերում ընդգրկաված են բացառապես պատանիներ:
Այսինքն՝ միավորումը գործում է <<պատանիները պատանիների
համար>> նշանաբանով:
Այս նշանաբանով գործող պատանիները արդեն հասցրել են կազմակերպել ու
մասնակցել բազմաթիվ միջոցառումների: Սակայն պաշտոնապես միավորումը
կազմավորվել է ընդամենը մի քանի ամիս առաջ և արդեն հասցրել է հանդես գալ իր
երկու նախագծով՝ Սևակյան պոեզիայի փառատոնը և
<<Սևակ>> ինտերնետային ամսագիրը:
Միավորումը իրականացնում է կրթամշակութային նախագծեր, որոնք կարող է
առաջարկել միավորման յուրաքանչյուր անդամ, ինչպես նաև այլ անհատներ:
Միավորումը գործում է բարեգործական հիմունքներով:
Էլ.հասցե՝ hpym@mail.ru:
|
ամսագրի Ձեր ցանկացած համարն ընթերցելու համար սեղմեք համապատասխան համարի շապիկին
