Հոդվածներ
Ինչպե՞ս դաստիարակել երեխաներին: Տիբեթյան մեթոդ
Լուսանկարիչ՝ Չունգ Տոնգ Չունգ </span> Ամենակարևորը. ՈՉ ՄԻ ՆՎԱՍՏԱՑՈՒՄ ԵՎ ՄԱՐՄՆԱԿԱՆ ՊԱՏԻԺ: Միակ պատճառը, որ երեխաներին ծեծում են՝ նրանք չեն կարող պատասխան հարված հասցնել:
Առաջին շրջան: Մինչև 5 տարեկանը Երեխային պետք է պաշտել, ինչպես արքայի: Արգելել ոչինչ չի կարելի, միայն շեղել: Եթե նա վտանգավոր մի բան է անում, պետք է վախեցած դեմք անել և ճչալ: Այդ լեզուն երեխան շատ լավ է հասկանում: Այս ժամանակահատվածում ձևավորվում են երեխայի ակտիվությունը, հետաքրքրասիրությունը, սերը կյանքի հանդեպ: Նա դեռ ի վիճակի չէ երկար տրամաբանական շղթաներ կազմել: Օրինակ, երեխան կոտրել է թանկարժեք ծաղկաման: Նա չի հասկանում, որ այդպիսի ծաղկաման գնելու համար պետք է շատ փող աշխատել: Պատիժը նա կընկալի, որպես ճնշում՝ ուժի տեսանկյունից: Դուք չեք սովորեցնի նրան չկոտրել ծաղկամաններ, այլ կուսուցանեք ենթարկվել նրան, ով ավելի ուժեղ է: Իսկ դա ձեզ պե՞տք է: Երկրորդ շրջան: 5-ից 10 տարեկան Այս հատվածում երեխային պետք է պահել «ստրուկի պես»: Պետք է նրա առջև խնդիրներ դնել և պահանջել դրանց լուծումը: Կարելի է պատժել չկատարաված առաջադրանքի համար, բայց ոչ ծեծելով: Այս հատվածում ակտիվորեն զարգանում է ինտելլեկտը: Երեխան պետք է սովորի կանխատեսել մարդկանց արձագանքը՝ իր յուրաքանչյուր արարքի, առաջացնել դրական վերաբերմունք իր նկատմամբ և խուսափել բացասականի դրսևորումներից: Այս ժամանակահատվածում մի վախեցեք երեխային ծանրաբեռնել գիտելիքներով: . Երրորդ շրջան: 10-ից 15 տարեկան Վերաբերվեք նրան, ինչպես հավասարին: Ոչ թե հավասարը հավասարի հետ, այլ հենց «ինչպես հավասարին», քանի որ, այնուամենայնիվ, դուք ավելի շատ գիտելիք և փորձ ունեք: Խորհրդակցեք նրա հետ բոլոր կարևոր հարցերի շուրջ, խրախուսեք ինքնուրույնությունը: Քննարկման ընթացքում թելադրեք ձեր կամքը միայն խորհուրդ տալով և հուշելով: Եթե ձեզ դուր չի գալիս նրա որոշումը, սևեռեք նրա ուշադրությունը այդ որոշման բացասական հետևանքների վրա՝ խուսափելով բացահայտ արգելելուց: Այս հատվածում ձևավորվում են երեխայի ինքնուրույնությունը և անկախությունը:
Վերջին շրջան: 15-ից հետո. նա արդեն երեխա չէ Հարգանքով վերաբերվեք նրան: Արդեն ուշ է դաստիարակելու համար, այնպես որ ձեզ մնում է միայն ճաշակել ձեր աշխատանքի պտուղները:
Ի՞նչ կլինի, եթե չհետևեք այս կանոններին:
Եթե ճնշեք երեխային մինչև 5 տարեկանը, դուք կսպանեք նրա ակտիվությունը, հետաքրքրությունը՝ կյանքի հանդեպ, ինտելլեկտը, իմունիտետը: Կսովորեցնեք նրան ենթարկվել բռնի ուժին: Նրանից «հեշտ զոհ» կսարքեք ամեն տեսակ սրիկաների համար:
Եթե 5-ից հետո էլ շարունակեք «բամբակի մեջ պահել նրան», երեխան կմեծանա թուլակամ, անընդունակ՝ աշխատանքի և ցանկացած տեսակ հոգևոր լարումների:
Եթե դուք շարունակեք խնամել երեխային, ինչպես մի փոքրիկի, 10-ից հետո, նա կմեծանա անվստահ՝ իր ուժերին, և կախվածության մեջ կընկնի ավելի ինքնուրույն ընկերներից, ովքեր ոչ միշտ են ճիշտ ազդեցություն գործելու նրա վրա: Եթե դուք չհարգեք երեխային 15-ից հետո, նա դա ձեզ չի ների և կփախչի ձեզանից առաջին իսկ հարմար առիթի դեպքում:
Թարգմանություն ռուսերենից՝ Արսենյան Սոնա
|
Բաժին` Փետրվար #02 | Ավելացրեց` Ари-сан | Հեղինակ`
|
Դիտվել է 539 անգամ|
|Վարկանիշ` 0.0/0 |
|
Օգտակար ինֆորմացիա
ամսագրի Ձեր ցանկացած համարն ընթերցելու համար սեղմեք համապատասխան համարի շապիկին
Գովազդ
Առաջին խորանարդ
Գովազդ
Երրորդ խորանարդ
Գովազդ
Չորրորդ խորանարդ
|