Հարցեր` զուրկ պատասխաններից

Հարցեր արգելված,
Հարցեր կյանքով վճարված,
Հարցեր լռության մեջ հնչող,
Մարդ էակին տանջող:
Աստված միշտ արարող,
Սատանան էլ` խանգարող
Իրարից անբաժան
Երկիրն էլ` դրա վկան:
Հարց առաջին`
Տեսնես, Ամեն Ինչից Առաջ,
Նրանք ինչո՞վ էին զբաղված…
Հարց երկրորդ, երրորդ և չորրորդ`
Ու ի՞նչ պատահեց,
Որ Աստված որոշեց
Տիեզերք ստեղծել
Ու մարդ արարել,
Որ տիեզերքը կարդա՞,
Ու մի օր էլ, անհետ վերանա՞…
Հարց հինգերորդ`
Տրվա՞ծ է մարդուն մի օր,
Հարցերին այս բոլոր
Պատասխան ունենա,
Աչքն էլ բաց չհեռանա…
Գիտնականներն աշխարհի
Այս հարցերը թողած,
Գործով են զբաղված`
Մի խնդիրը լուծելով
Հաջորդին` անցնելով:
Բնության գաղթնիքները բացելով…
Հարց վեցերորդ, շատ կարևոր`
Անվերջանալի այս ճամփի վրա,
Այս մոլուցքը` ամեն ինչ իմանալու
Մի նոր արգելված խնձոր չի՞ դառնալու…
Հարց վերջին`
Ու եթե հանկարծ բնությունից
Չկարդացված էջ չմնա
Կյանքն ինչպե՞ս պիտի
Հարատևի, իմաստ ունենա… մնա…

Հարություն Տելայան