Հոդվածներ
Դաստիարակչական պատմություններ
Երկրորդ լեզուն
Աքիլլեսյան կազմվածքով զինակոչիկը ստուգում էր անցնում` հերթով մոտենալով սեղանների առջև նստած զինկոմիսարիատի աշխատակիցներին: Վերջին սեղանի մոտ նստած հմայիչ ու երիտասարդ աշխատակցուհին հեռվից նկատել էր զինակոչիկի առնական և գեղեցիկ կազմվածքը: Նա թեքվել էր իր սեղանին, առաջ բերելով մաքուր հարցաթերթիկը, և երբ տղան մոտեցավ, առանց գլուխը բարձրացնելու հարցրեց.
-Քանի՞ լեզու գիտեք:
-Երկու,- պատասխանեց պատանին:
-Որո՞նք են:
-Հայերեն…,- և երիտասարդը հապաղեց շարունակել…
Աղջիկը գլուխը բարձրացրեց և նրանց, մինչ այդ իրարից խուսափող, վախվորած հայացքները հանդիպեցին իրար ու կանգ առան: Նրանց մարմնով մի տաքուկ ջերմություն անցավ… Աղջիկն ու տղան կարծես անէացան ու վերացած իրականությունից մի հեքիաթային կախարդանքի մեջ ընկան:
Տղան, իր գուրգուրող հայացքով “լեզու” առած, շփոթահար “պատասխանում” է աղջկան ու ավելին ասում, քան հարցն էր պահանջում: Աղջիկը ի ուրախություն իրեն, հասկանում էր տղայի երկրորդ լեզուն, շոյված էր և գոհ նրա “պատասխանով”…, բայց եղավ մի պահ, երբ նա սթափվեց մոգական երազից…, և հարցաթերթիկի վրա իր նշած “2”-ը կամացուկ, բայց դժկամությամբ “1” դարձրեց…
Վեճ` դատարկ տեղում
Սիրահար զույգը կագնած ջրվեժի առաջ, հիանում էր գահավիժող ջրվեժի տեարանով: Հանկարծ երիտասարդ ամուսինը, հեռվում` խոտերի մեջ, մի սիրուն ծաղիկ է նշմարում. վազում է դեպի այն, կնոջը նվիրելու համար: Այդ ընթացքում ջրվեժներից բարցրացող ջրե փոշուց ուրվագծվում է գույնզգույն ծիածանը: Կինը` ինքնամոռացության մեջ ընկած, վայելում է բնության հրաշքը: Իսկ ամուսինը, ծաղիկը ձեռքին, վազում է դեպի ավելի հեռուն երևացող մի այլ ծաղիկի ետևից: Կինը ձայն է տալիս .
- Սիրելիս, հայացքդ վերև բարցրացրու, տես` ինչ հրաշք ծիածան է, բայց տակից չանցնես հանկարծ. աղջիկ կդառնաս, կկորցնեմ քեզ:
Ամուսինը հայացքը բարձրացնում է, ոչինչ չի տեսնում և փնթփնթում.
- Քեզ ի՞նչ է պատահել, այ կնիկ, անհաջող կատակ ես անում:
Ջրվեժի աղմուկից կինը չի լսում: Ամուսինը, երկրորդ ծաղիկն էլ պոկած, ետ է շտապում սիրած կնոջը ուրախացնելու: Մինչ կհասներ, ծիածանը ինչպես անսպասելի հայտնվել էր իր կնոջ տեսադաշտում, նույնքան անսպասելի անհետանում է: Կինը ամուսնուն դիմավորում է << Գեղեցիկ էր, չէ՞, ծիածանը>> խոսքերով:
- Այ սիրելիս, ի՞նչ ծիածան, քեզ համար բերած ծաղիկներս թողած, ծիածա՞ ն ես տեսնում:
- Իսկ ի՞ նչ է, դու չե՞ս հիացել այն հիասքանչ ծիածանով, որը երևում էր, երբ քեզ ձայն տվեցի:
- Ես գլուխս բարձրացրի, ոչ մի ծիածան էլ չտեսա: Մտածեցի` չարաճճիություն ես անում:
- Իհարկե, չես տեսնի, դու հազվադեպ ես ուշադիր լինում իմ խոսքերին:
… Դիտողի դիրքից կախված` երևացող և կամ չերևացող ծիածանի պատճառով նրանց մեջ մի անտեղի վեճ ծագեց և նրանց ձայնն էր արդեն “խլացնում” ջրվեժի աղմուկը… Ծաղիկներն էլ սպասում էին իրենց պահին, որ նորից հաշտեցնեին սիրահար զույգին:
|
| Բաժին` Մայիս #05 | Ավելացրեց` Tado-sempai | Հեղինակ`
|
| Դիտվել է 777 անգամ|
|Վարկանիշ` 0.0/0 |
|
Օգտակար ինֆորմացիա
 ամսագրի Ձեր ցանկացած համարն ընթերցելու համար սեղմեք համապատասխան համարի շապիկին
Գովազդ
Առաջին խորանարդ
Գովազդ
Երրորդ խորանարդ
Գովազդ
Չորրորդ խորանարդ
|
ամսագրի Ձեր ցանկացած համարն ընթերցելու համար սեղմեք համապատասխան համարի շապիկին
Առաջին խորանարդ
Չորրորդ խորանարդ