Հոդվածներ
Իսկ եթե չլիներ Նոր տարին...
Իսկ եթե չլիներ... Նոր տարին:
Պատկերացնո՞ւմ եք, ի~նչ կլիներ այդ ժամանակ:
Նախ և առաջ մարդկությունը ավելի լավ մաթեմատիկա կիմանար, որովհետև մի տարվա անթիվ-անհամար ամիսները հաշվելու համար` մինչև 12-ը հաշվել իմանալը չափազանց քիչ կլիներ:
Դրանից բացի մարդիկ ստիպված կլինեին ցուցաբերել ավելի մեծ ստեղծագործական տաղանդ: Չէ՞ որ պետք է անթիվ-անվերջ ամիսներին անուններ հորինել: Այն էլ տարբեր լեզուներով.... Իհարկե ապագայում մարդիկ ավելի <<կոմֆորտ>> տարբերակ կհորինեին: Ասենք, կունենային տասներկու ամիս, որոնցից յուրաքանչյուրը իր շարքային համարը կունենար: Այսինքն` հիմա կլիներ հունվար2012-ը: Եվ դա կնշանակեր ոչ թե 2012թ-ի հունվար ամիսը, այլ մի անվերջ տարվա 2012-րդ հունվար ամիսը:
Եթե չլիներ Նոր տարին,... ես հիմա մի տարեկան էլ չէի լինի: Պատկերացնո՞ւմ եք, մարդն ապրում է արդեն 15 անգամ 12 ամիս, բայց դեռ մի տարեկան էլ չկա: Մի ծիծաղեք, դուք էլ էիք հայտնվելու նույն վիճկում, նույնիսկ եթե ապրեիք 60 անգամ 12 ամիս: Պատկերացնո՞ւմ եք, մեծերն այլևս չէին ասի, որ այս աշխարհում 40 տարի են ապրել և կյանքի մեծ փորձ ունեն, որովհետև նրանք էլ իրենց երեխաների պես մի տարեկան էլ չէին լինի:
Բայց այդ դեպքում գուցե մարդիկ տարվա արժեք տային ամիսներին: Պատկերացնո՞ւմ եք, 5 անգամ 12 ամիս ապրած երեխան 60 տարեկան /այսինքն` ամսեկան/ ծերունի կլիներ: Իսկ ձեր հասակակիցը, որն ընդամենը մի ամսով է ձեզնից մեծ, քիթը կցցեր ու կասեր, որ դուք շա~տ փոքր եք:
Պատկերացնում եմ, ինչ խառնաշփոթ կլիներ:
Չէ~, լավ է, որ կա Նոր տարի: Լավ է երկու պատճառով. ամեն ինչ ճիշտ է ու հասկանալի, և վերջ ի վերջո մենք այսքան լավ տոն ունենք: Էլ ե՞րբ էինք այսքան պոպոք ու մանդարին ուտելու, այսքան նվեր ստանալու և այսքան միամիտ հրաշքների սպասելու:
Շնորհավոր Նոր տարի:
Սոնա
|
| Բաժին` Հունվար #01 | Ավելացրեց` Ари-сан | Հեղինակ`
|
| Դիտվել է 509 անգամ|
|Վարկանիշ` 0.0/0 |
|
Օգտակար ինֆորմացիա
 ամսագրի Ձեր ցանկացած համարն ընթերցելու համար սեղմեք համապատասխան համարի շապիկին
Գովազդ
Առաջին խորանարդ
Գովազդ
Երրորդ խորանարդ
Գովազդ
Չորրորդ խորանարդ
|
ամսագրի Ձեր ցանկացած համարն ընթերցելու համար սեղմեք համապատասխան համարի շապիկին
Առաջին խորանարդ
Չորրորդ խորանարդ