Ճիչ առաջին`
Սպասված-անգին,
Ավետիս մայրիկին
Ողջույն կյանքին:

Թոթվանքը մանկիկի
Հոգու սպեղանի մայրիկի

Հետո խոսքեր-խոսքեր,
Հասուն խոսքեր.
Ասված բարձրաձայն,
Շշուկ-անձայն
Խոսքեր խինտ-կատակ
Ուրախ զվարճանք
Խոսքեր ընկերության
Հավատարիմ միության
Խոսքեր լույս գիտության
Խավար տգիտության
Խոսքեր ատելության
Խաբկանք մոլության
Խոսքեր բիրտ-բռնության
Անհագ-ագահության
Խոսքեր զղջումի
Դառը ափսոսանքի
Խոսքեր ցանկալի
Հոգու սպեղանի
Խոսքեր սիրո-ծաղկունքի
Կյանքի արբունքի
Խոսքեր սիրո-սպասումի
Հույս-երազանքի
Խոսքեր քեֆ-ուրախության
Աստվածային երջանկության
Խոսքեր բաժանումի
Ցավ-կորստի
Խոսքեր հարգանքի
Վառ հիշատակի
Խոսքեր հոգուն հաջո
Աղոթք ի լուր Աստծո:

Ու մի նոր Ճիչ առաջին`
Սպասված, անգին,
Ավետիս մայրիկին
Ողջույն կյանքին:

Խոսքեր սիրո-ատելության
Խոսքեր իմաստության
Խոսքեր մութ խավարի
Խոսքեր հույս-երազանքի
Հոգու կարեկցանքի
Խոսքեր սիրտ ջերմացնող
Խոսքեր միություն սերմանող
Խոսքեր բիրտ-բռնության
Անհագ-ագահության
Խոսքեր օձ թունոտ
Խոսքեր լի արյունոտ
Խոսքեր քեֆ-ուրախության

Խոսքեր սգո-տրտմության,
Հարգանք հիշատակի
Անցած գնացած օրերի
Վերջ ամեն ինչի:
Ցավոտ հիշողություն
Հուշ- մնայուն…

ՈՒ մի նոր ճիչ առաջին`
Սպասված-անգին
Ավետիս մայրիկին
Ողջույն կյանքին…
Հեռու-մոտիկ աշխարհներին.
Բոլորին-բոլորին:
Օր-օրի բարդացող
Պատասխան սպասող:
Պարզունակ խոսքերում

Հարություն Թոսունյան