Հոդվածներ

Գլխավոր » Հոդվածներ » 2012 թվ. » Սեպտեմբեր #06

Կինեսիկա: Ժեստերը և նրանց վերծանումը

Ժեստերը (ֆրանսերեն gestes - գործողություն) ձեռքերի, գլխի, մարմնի այն շարժումներն են, որոնց իմաստը հասկանալի է հաղորդակցվող կողմերին և ծառայում է հաղորդակցման հեշտացմանը: Ժեստերի մի մասի կոնկրետ իմաստը տարբեր կուլտուրաներում տարբեր է: Օրինակ, լեզու հանելը: Մեզ համար դա անարգանք է, բայց Տիբեթում լեզու ցույց տալը բառացիորեն վերծանվում է այսպես. <<Ես ձեր մասին ոչ մի վատ բան չեմ մտածում>>: Իսկ դուք նեղացաք, երբ փոքր ժամանակ հարևանի երեխան ձեզ լեզու ցույց տվեց: Գուցե նա տիբեթցի՞ էր: (Լեզվի մասին կարելի է երկար խոսել, բայց ոչ այս անգամ: Գուցե հետո պատմեմ ավելի մանրամասն:) Սակայն բոլոր կուլտուրաներում կան այնպիսի ժեստեր, որոնց նշանակությունը նույնն է: -Հաղորդակցության - ողջույնի, հրաժեշտի, ուշադրություն գրավելու, արգելող, բացասական, հարցական ժեսեր: -Մոդալ, այսինքն՝ գնահատական և վերաբերմունք արտահայտող - հավանության, անբավարարվածության, անվստահություն արտահայտող ժեստեր: -Նկարագրող - իմաստ ունեն միայն տեղեկության հետ օգտագործելու դեպքում: Հաղորդակցության ընթացքում մենք պետք է հիշենք կոնգրուենտության (անգլերեն congruence - համապատասխանություն) մասին (այս դժվար արտասանվող բառը հիշել պարտադիր չէ, կարևորը հասկանաք, ինչ է սա իրենից ներկայացնում), այսինքն՝ ժեստերի և խոսակցականի համապատասխանության մասին: Խոսքային տեղեկության և ժեստերի անհամապատասխանությունը ստի ահազանգ է: Ժեստերի իմացությունը հնարավորություն է տալիս -լրացուցիչ տեղեկություն ստանալ զրուցակցի մասին (վերբերմունք, հոգեվիճակ) - դա շատ կարևոր է, մանավանդ եթե չեք վստահում ձեր զրուցակցին, կամ ավելի եք ուզում իմանալ նրա մասին, քան նա ձեզ ասում է (սա լրտեսական մարտավարություն չէ, պարզապես սրբազան հետաքրքրասիրություն) -արագ ըմբռնել զրուցակցի համար արժեքավոր տեղեկությունը - մարդիկ ավելի հեշտությամբ և հաճույքով են շփվում, երբ ստիպված չեն լինում երկար-բարակ բացատրել իրենց ասած յուրաքանչյուր բառը զրուցակցին, իսկ ժեստերը այդ բացատրություններից լավ են ծառայում -ցանկացած հաղորդակցման ընթացքում իրականացնել արագ և ճիշտ ընկալում հմուտ կառուցել և պահպանել սեփական իմիջը - այ սա ամենակարևորն է: Ժեստերի վերծանման առանձնահատկությունները. 1.Պետք չէ դատել զրուցակցի հոգեվիճակի կամ վերբերմունքի մասին՝ ելնելով առանձին ժեստերից: Դիտարկեք նախորդ և հաջորդ ժեստերը, դիտարկեք դրանք ամբողջության մեջ: (Ինչպես ասում են, մի ծաղկով գարուն չի գա:) 2.Պետք է հաշվի առնել իրավիճակը, որում արտահայտվում են տվյալ ժեստերը: 3.Պետք է հաշվի առնել ժեստերի համապատասխանությունը խոսքային տեղեկությանը: 4.Չպետք է խաբվել դերային ժեստին, պետք է տարբերել իրական անձը դերից: Արսենյան Սոնա և հոգեբանության ծածկաթերթիկներ
1 2 3 4 5 Բաժին` Սեպտեմբեր #06 \| Ավելացրեց` Ари-сан \| Հեղինակ`
Դիտվել է 2140 անգամ\| \|Վարկանիշ` 0.0/0