Հոդվածներ
Reading Hall
Quote 2012 թ-ի հոկտեմբերի 6-ին Մարզահամերգային Համալիրի աստիճանահարթակին և Թումեյի այգում տեղի ունեցավ Reading Hall գրքի երևանյան տոնը:
Գրադարանային գիշերից էլ շուտ մենք՝ մի խումբ ընթերցասեր պատանիներ, որ կոչվում ենք Հայաստանի պատանի ընթերցասերների միավորում, սկսեցինք գրքի երևանյան տոնը:
Գրադարանային գիշերը հետո եղավ, մի քանի ժամ հետո: Իսկ մենք արդեն հասցրել էինք ընթերցել, խաղեր խաղալ, գրքեր նվիրել, մի խոսքով, համատեղելով հաճելին ու օգտակարը, ժամանակ անցկացնել:
...Նստած էինք Համալիրի աստիճաններին, երբ մեզ մոտեցան երկու ամերիկացի զբոսաշրջիկներ. ճանապարհն էին հարցնում դեպի Ծիխեռնակաբերդ: Տեսնելով հատակին դրված մեր գրքերը՝ հարցրեցին՝ ի՞նչ ենք անում:
Մի կերպ բառեր գտնելով (իմ անգլերենի իմացությունն այնքան էլ լավը չէ)՝ բացատրեցի նրանց, որ այստեղ գրքի ֆլեշմոբ ենք իրականցնում:
Հարցրեցին՝ նպատակը ո՞րն է:
Պատասխանեցի. ուզում ենք ցույց տալ երևանցիներին, որ գիրքը կարելի է կարդալ ամենուր՝ փողոցում զբոսայգում երթուղայինում:
Հարցրեցին՝ ինչի՞ համար:
Ասացի, որ մեզ մոտ այնքան էլ ընդունված չէ փողոցում գիրք կարդալը:
Զարմացան:
-Ի՞նչն ընդունված չէ՝ գիրք կարդա՞լը, թե՞ փողոցում գիրք կարդալը:
Ծիծաղեցի: Ասացի, որ փողոցում գիրք կարդալն ընդունված չէ հայերի մոտ:
Հարցրեցին՝ իսկ որտե՞ղ է ընդունված գիրք կարդալը Երևանում:
Պատասխանեցի՝ տանը կամ գրադարանում:
Նորից զարմացան: Հետո հաջողություն մաղթեցին մեզ ու ասեցին, որ շատ լավ բան ենք նախաձեռնել:
...Reading Hall-ին մի քանի օր էր մնացել: Հեռախոսով խոսում էի ընկերուհուս հետ, որն, ի դեպ, նույնպես շատ ընթերցասեր աղջիկ է: Պատմում եմ ֆլեշմոբից, ծրագրերից:
-Վա՜յ, Սոն, էս ինչ լավ բան եք մտածել:
Խոսակցության ընթացքում ինձ բնորոշ երկչոտությամբ ասեցի, որ մտահոգվում եմ. իսկ եթե ոստիկանությունը մեզ թույլ չտա՞ ֆլեշմոբն իրականացնել:
-Վա՜յ, Սոն, ո՞վ պիտի ձեզ ի՞նչ ասի: Այսքան լավ բան եք մտածել: Շատ հավես կլինի:
Ու եղավ...
Շնորհակալություն բոլոր նրանց, ովքեր եկան:
Արսենյան Սոնա
|
| Բաժին` Reading Hall | Ավելացրեց` Ари-сан | Հեղինակ`
|
| Դիտվել է 507 անգամ|
|Վարկանիշ` 5.0/1 |
|
Օգտակար ինֆորմացիա
 ամսագրի Ձեր ցանկացած համարն ընթերցելու համար սեղմեք համապատասխան համարի շապիկին
Գովազդ
Առաջին խորանարդ
Գովազդ
Երրորդ խորանարդ
Գովազդ
Չորրորդ խորանարդ
|
ամսագրի Ձեր ցանկացած համարն ընթերցելու համար սեղմեք համապատասխան համարի շապիկին
Առաջին խորանարդ
Չորրորդ խորանարդ