Ուրբաթ, 14.08.2020, 15:00
Ողջույն, Անցորդ: Լավ օր եմ ցանկանում: Ժպտա:


Հոդվածներ

Գլխավոր » Հոդվածներ » 2012 թվ. » Օգոստոս #05

Դիագնոզը՝ աստղային հիվանդություն
ՀԵՌՈՒՍՏԱՏԵՍՈՒԹՅՈՒՆ - ՍԵՐԻԱԼՆԵՐ – ՃԱՆԱՉՎԱԾՈՒԹՅՈՒՆ – ԱՍՏՂԱՅԻՆ ՀԻՎԱՆԴՈՒԹՅՈՒՆ:




Մի ծիծաղեք, շատ հաճախ որևէ սերիալի ռեժիսորի կողմից ստացած առաջարկը ունենում է հենց այսպիսի վերջաբան, մանավանդ երիտասարդ ու շնորհալի դերասանների համար:
Ի՞նչ է աստղային հիվանդությունը: Արդյո՞ք այն հոգեկան հիվանդություն է: Ունի՞ ախտանիշներ: Հնարավո՞ր է բուժել աստղային հիվանդությունը: Հարցեր, որոնք պատասխանների կարիք ունեն, և պատասխանում է հոգեբան Նարինե Իսրայելյանը:

-Ինչո՞ւ են մարդիկ ուրախ նկարահանվել սերիալներում:

-Որովհետև նրանք իրենց կարևոր են զգում: Առաջանում է որոշակի հաճելի զբաղվածություն, ընդլայնվում է մարդու ծանոթությունների շրջանը, վերջ ի վերջո մարդիկ մուտք են գործում կինոյի աշխարհ: Եթե զբաղվածությունը դրական է, նոր ծանոթությունները` հաճելի, բարձրանում է մարդու ինքնագնահատականը: Այդ դեպքում մարդու <<ես>>-ը բավարարված է, և մարդն էլ է բավարարված: Սակայն որոշ դեպքերում մարդը դառնում է եսակենտրոն, ինչից հետո էլ առաջանում է աստղային հիվանդությունը: Այսինքն, գոյություն ունի որոշակի սահման, որն անցնելով` մարդը դառնում է եսակենտրոն, հիվանդանում է աստղային հիվանդությամբ, ունենում է հոգեկան խանգարումներ: Իհարկե, լինում են նաև <<սահմանն անցնելու>> այլ դեպքեր, օրինակ, երբ մարդը դառնում է այնքան ինքնամփոփ, որ նորից հատում է սահմանը և ունենում է մեկ այլ հոգեկան խանգարում: Այդ <<սահամանից դուրս>> եղած տիրույթը կոչվում է ակտինկաուտ (aktinkout, out – նշանակում է դուրս): Ակտինկաուտում գտնվող մարդն արդեն ունի հոգեկան որոշակի խնդիրներ:
-Ինչպե՞ս է որոշվում այդ սահմանը:
-Եթե դուք և ձեզ շրջապատող մարդիկ, որոնց դուք հարգում եք, ունեք նույն ապրելաձևը, ուրեմն դուք դեռ չեք անցել սահմանը: Իսկ եթե ձեր վարքագծով դուք դառնում եք միակը, ապա դուք անցել եք սահմանը և պետք է զգույշ լինեք:
-Աստղային հիվանդությունը ունի՞ տեսանելի ախտանիշներ:
-Ունի: Օրինակ, գոռոզությունը, երբ մարդ չի շփվում ուրիշների հետ կամ շփվում է վերևից ներքև : <<Աստղայինով>> հիվանդ մարդիկ նյարդային են, նրանք զգացմունքի մարդիկ են: Նրանք մտածում են այսպես` <<Ուզեցի, արեցի, և լավ արեցի>>: Ատղային հիվանդությունը տարբերվում է <<սովորական>> գոռոզությունից միայն նրանով, որ <<աստղայինով>> հիվանդ մարդը նաև ճանաչված է:
-Ովքե՞ր են ապահովագրված աստղային հիվանդությունից:
-Եթե մարդը գիտակցում է, որ այն ամենը, ինչին նա հասել է, նա ստացել է աշխատանքի շնորհիվ, այսինքն` <<աշխատանք + ես>> բանաձևով, ուրեմն նա չի հիավանդանա <<աստղայինով>>: Բայց եթե մարդը կարծում է, որ նա հասել է որոշակի բարձունքի միայն այն բանի շնորհիվ, որ ինքն այդպիսինն է և իր նմանը չկա, նա արդեն հիվանդ է աստղային հիվանդությունով:
-Արդյո՞ք կարելի է բուժել աստղային հիվանդությունը:
-Իհարկե կարելի է: Մարդ, մինչև ինքը չի ուզում, չի գժվում: Այդպես էլ մինչև նա չուզենա բուժվել, չի բուժվի: Աստղային հիվանդությւնը նման է սարի գագաթին լինելու զգացողությանը: Եվ եթե մարդը չի ուզում դանդաղ, սահուն իջնել գագաթից, նա գլորվելու է:
-Ինչպե՞ս կարելի է բուժել աստղային հիվանդությունը:
-Անշուշտ շրջապատն իր ազդեցությունն է թողնում անհատի վրա և կարող է բուժել նրան աստղային հիվանդությունից: Պարզապես շրջապատը պետք է դառնա անհատի հայելին, այսինքն` միայն ցույց տա նրան, ինչպիսին է նա, ոչ թե վանի կամ նախատի, որովհետև այդ դեպքում մարդու մոտ աշխատում է պաշտպանական ռեակցիան. նա սկսում է պաշտպանվել հասարակությունից, բայց չի բուժվում:
-Ավելի լավ է ոչ թե բուժել, այլ չհիվանդանալ: Ի՞նչ պետք է անել, որ մարդիկ չհիվանդանան <<Աստղայինով>>: Այ հենց սերիալների օրինակով:
-Երիտասարդ դերասաններին, ովքեր ստացել են սերիալում նկարահանվելու առաջարկ և կարող են հիվանդանալ աստղային հիվանդությունով, շատ կարևոր է բացատրել, որ ճանաչվածությունը ավելի շատ պարտավորեցնում է նրանց, քան բարձրացնում:
Այ, այս վերջին նախադասությունը բոլորն էլ պիտի հիշեն, անկախ նրանից՝ հիվանդ են, թե միայն պատրաստվում են հիվանդանալ <<աստղայինով>>:

P.S. Իհարկե լավ է, որ կարելի է բուժել աստղային հիվանդությունը, բայց միևնույն է ավելի լավ է չհիվանդանալ: Թե չէ, ո՞վ գիտի, ինչպիսին են լինելու հետևանքները…

Արսենյան Սոնա
Բաժին` Օգոստոս #05 | Ավելացրեց` Ари-сан | Հեղինակ`
Դիտվել է 473 անգամ| |Վարկանիշ` 0.0/0
ՄԵկնաբանվել է 0 անգամ
Only registered users can add comments.
[ Sign Up | Login ]
Օգտակար ինֆորմացիա
ամսագրի Ձեր ցանկացած համարն ընթերցելու համար սեղմեք համապատասխան համարի շապիկին
Գլխավոր ցանկ
Գովազդ
Հունիսի 1-ին մոսկովյան 25 հասցեում բացվեց արդեն մեզ բոլորիս հայտնի LAKI քաղցրավենիքների նոր կաֆետերիան: Առաջին խորանարդ
Ենթացանկ
Ապրիլ #01 [23]
Մեր ամսագրի անդրանիկ համարը` Ապրիլ 2012, կամ #Ապրիլ 01, կամ ուղղակի Ապրիլ :)
Մայիս #02 [23]
Մեր ամսագրի երկրորդ համարը` Մայիսը
Հունիս #03 [14]
Հուլիս #04 [23]
Օգոստոս #05 [23]
Սեպտեմբեր #06 [23]
Reading Hall [5]
Հայաստանի պատանի ընթերցասերների միավորման կողմից իրականացված գրքի երևանյան տոն:
Հոկտեմբեր #07 [22]
Նոյեմբեր #08 [16]
Դեկտեմբեր #09 [23]
Ապոկալիպսիս [5]
Երաժշտական Բլոկ
Գովազդ
Տարածե'ք մեզ
Գովազդ
Երրորդ խորանարդ Կարող եք գտնել Երևանի բոլոր գրախանութներում: 
Գինը' 4200 դրամ
Գովազդ
Մանրամասն տեղեկությունների համար սեղմեք նկարի վրա: Չորրորդ խորանարդ
Հարցում
Ինչպես ես հայտնվել մեզ մոտ?
պատասխանել է 364 մարդ
Առաջարկում ենք'