Հոդվածներ

Գլխավոր » Հոդվածներ » 2012 թվ. » Դեկտեմբեր #09

Հովարերն՝ սիրո լեզուն

Պալատական էտիկետը Իսպանիայում այնքան խիստ էր, որ կաբալյերոն կարող էր իր սիրեցյալի հետ խոսել միայն հեռվից և ժեստերով: Սակայն դա շատ անհարմար էր, իսկ երբեմն նույնիսկ վտանգավոր: Եվ հնարամիտ կանայք գտան խնդրի մի գեղեցիկ լուծում՝ հովհարը: Էլեկտրականություն: Մի հրաշք <<եղիցի լույս>>, որ հաճելիորեն զարմացրեց մարդկությունը 20-րդ դարասկզբին: Տներն ու փողոցները լուսավորվեցին էլեկտրական վառ լույսով: Էլեկտրական լամպերն ու լապտերենրը դուրս մղեցին գունատ մոմերն ու մոմակալները սենյակներից ու սրահներից և իրենք դարձան բոլոր պարահանդեսների թագուհիները: Դալկահար մոմի հետ պարահանդեսը լքեց մի այլ թագուհի ևս՝ հովհարը: Հովհարի պատմությունը սկիզբ է առնում Եգիպտոսից: Նրա նախահայրը տերևներից կամ թռչունի փետուրներից պատրաստված հովհարն էր: Հին աշխարհում այդպիսի հովհարներ գործածում էին միայն մեծահարուստները, իսկ Հնդկաստանում այն թագավորի մենաշնորհն էր: Դասական հովհարը առաջացել է Չինաստանում և 6-7-րդ դդ-ում լայն տարածում է գտել հարևան Ճապոնիայում, ուր ի հայտ եկան ուրույն ճապոնական հովհարներ, որոնք ոչինչով նման չէին իրենց չինական եղբայրներին: Ճապոնիայում հովհարին վերագրվում էին մոգական հատկություններ: Այն իր յուրահատուկ տեղն ուներ բոլոր հանդիսություններում՝ ծնունդներին, հոբելյաններին, հարսանիքներին: Գոյություն ունեն տաճարների, թատրոնների, մարտական հովհարներ, ինչպես նաև հովհարներ հատուկ թեյի ծիսակարգի համար: Եվրոպայում հովհարները տարածվեցին միայն 16-րդ դարում: Առաջին հերթին հովհարը մուտք գործեց Իտալիա և հատկապես Իսպանիա: Նախապես այն ազնվական կնոջ և նույնիսկ պատանու ատրիբուտ էր: Ֆրանսիայի Վերսալյան պալատում հովհարը մեծ դեր էր կատարում պալատական ծիսակարգում. կանայք կարող էին այն բացել միայն թագուհու ներկայությամբ: 17-րդ դարից՝ ռոկոկոյի դարաշրջանում, հովհարը թափանցեց նաև հասարակ քաղաքացիների կյանքը: Դուք կարծում եք աշխարհիկ օրիորդները միայն հո՞վ էին անում հովհարով: Իհարկե ոչ: Այդ հասարակ իրի օգնությամբ նրանք կարողանում էին ամբողջ նախադասություններ <<ասել>> առանց որևէ բառի: Ինչպես ասեցինք, ամենաշատը հովհարը տարածվեց արևկող Իսպանիայում: Պալատական էտիկետն Իսպանիայում այնքան խիստ էր, որ կաբալյերոն կարող էր իր սիրեցյալի հետ խոսել միայն հեռվից և ժեստերով: Սակայն դա շատ անհարմար էր, իսկ երբեմն նույնիսկ վտանգավոր: Դե, պատկերացրեք, ի՞նչ կլիներ, եթե այդպիսի <<երկխոսությունը>> հանկարծ նկատեր աղջկա հայրը կամ եղբայրը: Այդ դեպքում միայն արյունը կարող էր մաքրել անարգանքը, որ տղան <<հասցրել էր>> աղջկա ազգականներին: Եվ հնարամիտ կանայք խնդրի մի գեղեցիկ լուծում գտան՝ հովհարը: Այդպես ստեղծվեց մի ամբողջ լեզու՝ հասկանալի միայն ընտրյալներին: Հովհարի սիրո լեզուն առաջացել է Իսպանիայում և կատարելագործվել Ֆրանսիայում՝ Լյուդովիկոսների դարաշրջանում: Այստեղ կարևոր էր ամեն ինչ՝ գույնը, շարժումը, դիրքը: Եվրոպական երկրներում հովհարը կրում էին մետաքսե թելով՝ կախված աջ դաստակից, իսկ Իսպանիայում՝ և՛ աջ, և՛ ձախ ձեռքին. դրանից իմաստը փոխվում էր: Հովհարը աջ ձեռքում սովորական դիրք էր, իսկ ձախ ձեռքում հատուկ նշանակություն ուներ՝ հասցեագրված գաղտնի երկրպագուին: 1757 թ-ին Ֆրանսիայում լույս տեսավ <<Չորս գույների դասագիրք>> աշխատությունը, որտեղ մանրամասն նկարագրվում էր հովհարի սիրո լեզուն, իսկ Լոնդոնում նույնիսկ բացվեց հատուկ դպրոց, ուր սովորեցնում էին ինչպես օգտագործել հովհարը: Ինչպես տեսնում եք, հովհարերենը մի ամբողջ գիտություն էր, որին առանձնահատուկ ուշադրություն էր տրվում պարի և էտիկետի դասերին: Ու թեև այս լեզվով խոսում էին միան գեղեցիկ սեռի ներկայացուցիչները, սակայն տղամարդիկ ավելի լավ պիտի տիրապետեին դրան, չէ՞ որ իրենք էին վերծանելու իրենց ուղղված խորհրդավոր նշանները: Այժմ փորձենք անցնել հովհարերերնի կրճատ առցանց կուրս: Պատրա՞ստ եք: Դաս 1 Հովհարի գույնը Սպիտակ - անմեղություն Սև ու սպիտակ - խախտված անդորր Սև - թախիծ Վարդագույն և երկնագույն - սեր և հավատարմություն Կարմիր - ուրախություն, երջանկություն Ոսկեգույն - հարստություն Դեղին - մերժում Արծաթագույն - համեստություն Կանաչ - հույս Փայլուն - վստահություն Շագանակագույն - երջանկություն Դաս 2 Հովհարը և զգացմունքը Կասկած - փակվող հովհար Հերքում - փակ հովհար Համեստություն - հովհար, որ մեկ քառորդից քիչ է բացված Հուզմունք ստացած լուրերից - արագ, կտրուկ թափահարումներ Սպասում - քիչ բացված հովհարով թփթփացնել բաց ափին Անվճռականություն - դեմքի կեսը և աչքերը ծածկել մեկ երրորդով բացված հովհարով Պչրանք - ծածկել այտը և դունչը՝ միաժամանակ խոնարհելով գլուխը և ժպտալով Աջակցություն - դանդաղ թափահարել հովհարը՝ բացված, ինչպես S տառը Երախտագիտություն - բացվող հովհար՝ միաժամանակ խոնարհելով գլուխը <<Անհնար է>> - կիսաբաց, ներքև իջեցված հովհար Հավանություն - բացվող հովհար Սեր - բաց հովհար Դաս3 Հովարերերն՝ սիրո լեզու Նախ և առաջ ասենք, որ երիտասարդը երբեք չպիտի խնդրեր օրիորդից նրա հովհարը: Բայց եթե այդպիսի դեպք այնուամենայնիվ պատահում էր, օրիորդը կարող էր իր հաղորդագրությունն ուղարկել երիտասարդին՝ կախված նրանից, թե ինչպես կմեկնի հովհարը կաբալյերոյին: Հովհարը մեկնել վերին կոթով - համակրանք և սեր Մեկնել ներքին կոթով - արհամարհանք Մեկնել բաց - սեր պահանջել Բաց հովհարով ուժգին թափահարել - <<Ես ամուսնացած եմ>>: Հովհարը փակվում է - <<Ես անտարբեր եմ ձեր հանդեպ>>: Հովհարը բաց է - <<Դու իմ կուռքն ես>>: <<Այո>> - ձախ ձեռքով հովհարը մեկնել աջ այտին <<Ոչ>> - բաց հովհարը աջ ձեռքով մեկնել ձախ այտին <<Ես ձեզ սիրում եմ>> - աջ ձեռքով փակ հովհարով ցույց տալ սիրտը <<Ես ձեզ չեմ սիրում>> - փակ հովհարով կտրուկ շարժում անել <<Իմ մտքերը միշտ ձեզ հետ են>> - կիսաբաց հովհարով մի քանի անգամ շոյել ճակատը <<Ես չեմ հասկանում ձեզ>> - բացել և փակել հովհարը՝ պահելով բերանի դիմաց <<Ես կգամ>> - պահելով հովհարի ձախ մասը դեպի զրուցակիցը՝ հովհարը հպել կրծքին հետո արագ թափահարել զրուցակցի կողմը <<Ես չեմ գա>> - հովհարի ձախ մասը պահել զրուցակցի առջև <<Մի՛ եկեք այսօր>> - փակ հովհարով անցկացնել ձեռքի դրսի կողմով <<Եկեք, ես գոհ կլինեմ>> - բաց հովհարը աջ ձեռքի մեջ պահելով՝ դանդաղ փակել այն ձախ ձեռքի ափի մեջ: <<Զգուշացե՛ք, մեզ հետևում են>> - բաց հովհարով դիպչել ձախ ականջին <<Լռե՛ք, մեզ լսում են>> - փակ հովհարը հպել շուրթերին <<Ես ուզում եմ պարել ձեզ հետ>> - բաց հովհարը մի քանի անգամ թափահարել դեպի ձախ <<Դուք ինձ վշտացրեցիք>> - արագ փակել հովհարը և պահել այն ծալած ձեռքերում <<Հետևե՛ք ինձ>> - թփթփացնել ոտքին կողքից <<Ես պատրաստ եմ հետևել ձեզ>> - թփթփացնել ոտքին առջևից <<Մի կո՛ղմ քաշվեք, ճանապա՛րհ տվեք>> - ծալած հովհար՝ ցույց է տալիս դեպի տղամարդը <<Չքվե՛ք այստեղից>> - կտրուկ շարժում փակ հովհարով՝ կոթով առաջ Կարծում եմ, այժմ դուք պատրաստ եք պարահանդես գնալու: Հովհարի մի շարժումը կարող էր փոխել մարդու և նույնիսկ մի ամբողջ պետության ճակատագիրը: Ֆրանսիայում ասում էին՝ Հովհարը գեղեցկուհու ձեռքում աշխարհին տիրելու գայիսոն է: Էլեկտրական լամպերի ի հայտ գալով ասպարեզից դուրս մղվեցին մոմերն ու մոմակալները: Այժմ դահլիճներում այնքան շոգ չէր, ինչպես նախկինում: Եվ հովհարը այլևս անհրաժեշտ չէր՝ որպես հով անելու միջոց: Այսպես, մինչև 1915 թվականը այն անհետացավ նորաձևության ասպարեզից: Նրա հետ հեռացավ նաև հովարերենը՝ սիրո լեզուն:
1 2 3 4 5 Բաժին` Դեկտեմբեր #09 \| Ավելացրեց` Ари-сан \| Հեղինակ`
Դիտվել է 859 անգամ\| \|Վարկանիշ` 1.0/1