Երեքշաբթի, 22.05.2018, 03:05
Ողջույն, Անցորդ: Լավ օր եմ ցանկանում: Ժպտա:


Հոդվածներ

Գլխավոր » Հոդվածներ » 2013 թվ. » Ապրիլ #04

Ալիետտան


<<Երկու կարմիր գիծ…օ ~ ոչ, միայն թե ոչ դա: Ինչ ուզում է թող լինի, բայց ոչ դա: Աստվա՛ծ իմ,- մտածում էր նա,- չի կարող նման բան պատահել: Ես պատրաստ չեմ դրան: Իսկ Ֆերնանդո՞ն, ի՞նչ կասի նա: Դե, իհարկե, նա միանշանակ դեմ կլինի, ես դա գիտեմ…>>: Այս իրարամերժ խոհերը գլխում` Ալիետտան լողաց դեպի Լիդիայի տուն: Սարսափելի հուզված ու անհանգիստ` նա ներս մտավ ու միանգամից սկսեց հեկեկալ` անկարող այլևս իր մեջ պահել այդ ցավը:

-Ալի՛, սիրելի՛ս, ի՞նչ է պատահել. աչքերդ ուռած են: Աստվա՛ծ իմ, ապա թեփուկներիդ նայիր, գույնդ լրիվ գցել ես…

-Լի՛դ, Լի՛դ…ես…մենք…չէ, չէ…ես իկրա եմ ունենալու…

-Վա~հ:

-Հա՛, պատկերացնու՞մ ես: Ես չեմ դիամանա, հասկանու՞մ ես, ես չեմ դիմանա: Ֆերնանդոն, ախ~ նա կմտածի, թե ուզում եմ իր վզին փաթաթվել, ու ես չգիտեմ ինչ անել…

-Ալի՛,հանգստացի՛ր, խնդրում եմ, ահա՛, ջուր խմիր:

-Ձե՞ռ ես առնում ի՞նչ է, մենք օվկիանոսում ենք:

-Լավ, լավ, կներես, Ալի՛, լսի՛ր ինձ, դու գիտես, որ նա քեզ սիրում է: Հավաքի՛ր քեզ: Ամեն ինչ լավ կլինի: Ուղղակի խոսի՛ր նրա հետ:

-Դու գիտես Ֆերնանին: Նա չի ցանականա հրաժարվել իր ազատ կյանքից և չի կապի իր կյանքը ինչ-որ մատուցողուհու հետ: Ես նրան ոչինչ էլ չեմ ասի, հա՛, հաստա՛տ, պարզապես վերջ կտամ մեր հարաբերություններին:

-Ալի, հիմարություններ դուրս մի՛ տուր: Դու նրան պետք է ամեն ինչ ասես,նա իրավունք ունի իմանալու: Պատմի՛ր նրան, մի՛ վախեցիր, նա կհասկանա, ես գիտեմ, որ նա քեզ սիրում է:

Այդ պահին զանգեց Ալիետտայի բջջայինը. Ֆերնանդոն էր:

-Ալյո: Հա Ֆերնի, հա, հանդիպե՞լ, հա, երևի, լավ, կգամ, հա կես ժամից այդտեղ կլինեմ և…ես կարևոր բան պետք է ասեմ քեզ: Լավ:

Այդ պահին Ֆերնանդոն գտնվում էր կենտրոնի մոդայիկ ակումբներից մեկում: Հնչում էր էլեկտրոնային բարձր երաժշտություն և բարմենը հարցնում էր Ֆերնանին և նրա ընկերոջը` ինչ են կամենում:

-Կրկնակի սառույցով պլանկտոնի կոկտեյլ և ջրիմուռի մոհիտո, խնդրում եմ:

-Շատ լավ, հիմա,-պատասխանեց իր երկար բեղիկներով Դալիին հիշեցնող խեցգետինը:

-Ֆերնա՛ն, ի՞նչ ես գտել այդ աղջկա մեջ:

-Ես սիրում եմ նրան…

-Լա՞վ, է՞: Գլուխդ լրիվ կորցրել ես:

-Քո գործը չի: Նա ինձ դուր է գալիս, ի դեպ, որոշել եմ նրան այսօր ամուսնության առաջարկ անել: Ինչու՞ ես այդպես վրաս նայում, ես արդեն ամուսնական ոստրե եմ գնել ու քիչ անց նրա հետ հանդիպման եմ:

-Բարեկա՛մս, ես զարմանում եմ քեզ վրա: Ես շատ հարուստ ձկների աղջիկների եմ ճանաչում, որոնք երազում են քեզ հետ ծանոթանալ ու…

-Ինձ համար միևնույն է, ցտեսություն,-ասաց Ֆերնանը, վճարեց ու շտապեց սրճարան, որտեղ իրեն էր սպասում Ալին: Դռնից ներս լողալով` նկատեց տխուր Ալիին:

-Ալի՛,սիրելի՛ս, ի՞նչ է պատահել, վատառո՞ղջ ես:

-Չէ՛,լավ եմ:

-Ա~խ: Ալի, դու ասացիր, որ ինձ կարևոր բան ունես ասելու: Լսում եմ, սիրելիս, բայց չէ՛ սպասի՛ր, թո՛ղ առաջինը ես խոսեմ, ես քեզ նույնպես կարևոր բան ունեմ ասելու:

Նա պայուսակից հանեց ոստրեն, բացեց այն և ծնկի գալով Ալիետտայի առաջ` ասաց.

-Իմ ոսկեգույն թեփուկներով, իմ գեղեցիկ ու բարի Ալիետտա, կդառնա՞ս իմ կինը:

Ալիետտան կարթը կոկորդում մնացած ձկան դեմքով նայեց Ֆերնանին ու հուզվեց. մոխրագույն աչքերը լցվեցին տաք արցունքներով:

-Ես համաձայն եմ,-դողացող ձայնով ասաց նա և ավելացրեց,- Ֆերնան մենք…ես էլ նորություն ունեմ…ես… մենք իկրա ենք ունենալու…

Հիմա Ֆերնանի հերթն էր կարթը կոկորդում մնացած ձկան դեմք ընդունելու: Նա ապշած էր, բայց զգաց, թե ինչպես իր սառը մարմնով մի արտասովոր ջերմություն անցավ. նա երջանիկ էր:

p.s. Ոգեշնչման աղբյուր` Դիանա Գրիգորյան =D

Մարիամ Զաքարյան
markatina.blogspot.com
Բաժին` Ապրիլ #04 | Ավելացրեց` Tado-sempai | Հեղինակ`
Դիտվել է 145 անգամ| |Վարկանիշ` 5.0/1
ՄԵկնաբանվել է 0 անգամ
Only registered users can add comments.
[ Sign Up | Login ]
Օգտակար ինֆորմացիա
ամսագրի Ձեր ցանկացած համարն ընթերցելու համար սեղմեք համապատասխան համարի շապիկին
Գլխավոր ցանկ
Գովազդ
Հունիսի 1-ին մոսկովյան 25 հասցեում բացվեց արդեն մեզ բոլորիս հայտնի LAKI քաղցրավենիքների նոր կաֆետերիան: Առաջին խորանարդ
Ենթացանկ
Հունվար #01 [23]
<<Սևակ>> ամսագրի ամանորյա նվերը բոլոր ընթերցողներին:
Փետրվար #02 [23]
Մարտ #03 [23]
Ապրիլ #04 [23]
Մայիս #05 [23]
Հունիս #06 [23]
Հուլիս #07 [23]
Երաժշտական Բլոկ
Գովազդ
Տարածե'ք մեզ
Գովազդ
Երրորդ խորանարդ Կարող եք գտնել Երևանի բոլոր գրախանութներում: 
Գինը' 4200 դրամ
Գովազդ
Մանրամասն տեղեկությունների համար սեղմեք նկարի վրա: Չորրորդ խորանարդ
Հարցում
Կցանկանաք հանդիպել Պարույր Սևակի որդու
պատասխանել է 14 մարդ
Առաջարկում ենք'